CHINO CHANO

Colla ta la Replega y Esfensa de l'Aragonés en o Baxo Aragón (C.R.E.A.B.A.) ye una asoziazión de carauter cultural  que faina arredol de a cultura d'Aragón y más que más de a nuestra fabla aragonesa. En Andorra, son conoxius como "La colla los barfulaires". Entre as suyas autibidaz se pueden destacar l'amostranza de l'aragonés en diferéns lugars d'as redoladas d'o Baxo Aragón. Mientres o tiempo de 4 añadas (1.993-1.997) os miembros d'ista asoziazión reyalizón o programa de radio clamau La Conzorzia en a Cadena SER Andorra, feito de raso en aragonés y que podeba estar ascuitau los Miércols en toda la redolada de o Baxo Aragón y en güena parti d'a probinzia de Teruel. Mosica de toda mena, pero de cutio feita por aragoneses, dixendas, aneudotas, etz., trazaban un de os programas de radio más sentius de a nuestra redolada.

 A la que dixó d'emitir-se La Conzorzia amanexió la ideya de fer un nuebo programa pero ista begada debán d'o telebisor en a cadena local d'Andorra. En ye, allora, cuan TVLA (Televisón Local de Andorra) fa l'adempribio d'emitir un programa en aragonés o terzer Miércols de cada mes baxo lo nombre de Chino Chano, o cualo, bi escomenzipia a emitir-se en o mes d'Abiento de 1.997, y adedicau, ista primera emisión, a la Ermita d'o Pilar d'Andorra.  
Güei, amás de as clases d'aragonés y Chino Chano, femos Mosicaire, programa de telebisión que presenta en aragonés a diferéns collas mosicals aragonesas y, más que más, de as redoladas de o Baxo Aragón istorico y Conzorzia Dichital , programa de radio por internet en a mesma ringla como se feba La Conzorzia.



Zaguer emisión

En ista nueba emisión de Chino Chano podemos beyer un reportache reyalizato con enchaquia d'a presentazión de "Carrasca" Ligallo de fabláns de Teruel o sabado 12 d'Abril.
Completa lo programa atro reportache feito en l'aula d'aragonés d'a Casa de Cultura de Andorra.